"Ливерпуль" сардори Виржил ван Дейкни қанчага сотишга рози бўлиши аниқ бўлди.
33 ёшли марказий ҳимоячига Саудия Арабистони клублари қизиқиш билдирмоқда. TEAMtalk хабарига кўра, "қизиллар" нидерландиялик футболчи учун 46 миллион фунт стерлинг (тахминан 55 миллион евро) сўрашади. Мерсисайдликлар сардорининг амалдаги шартномаси келаси йили тугайди.
Виржил ван Дейк 2018 йил бошида “Саутгемптон”дан келганидан бери “Ливерпуль” сафида 270 та ўйинда майдонга тушди. Марказий ҳимоячи жамоа сафида 23 та гол урган ва 12 та голли узатмани амалга оширган.
