"Ювентус"да қанот вингери Федерико Кьеза бўйича таклиф йўқ.
"Кекса синьора" 26 ёшли футболчи билан хайрлашишга тайёр, чунки жамоанинг янги бош мураббийи Тиаго Мотта уни режаларига киритмаган. Шартноманинг келаси йил тугаши омили ҳам роль ўйнайди - туринликлар италияликни текинга йўқотишни истамаяпти. Бироқ, инсайдер Николо Скиранинг сўзларига кўра, ҳозирча ҳеч қайси клуб Кьеза бўйича таклиф билан чиқишга тайёр эмас.
Футболчига "Наполи" ва "Рома" қизиқиш билдиришди, бироқ биринчиси бошқа номзодларга эътибор қаратишга қарор қилди, иккинчиси эса "Ювентус"нинг бошқа бир вакили Матиас Соуле бўйича музокаралар якунланишини кутишни маъқул кўрди. “Интер” ҳам курашда иштирок этмоқда: миланликлар Кьезани эркин агент сифатида жалб қилиш учун келаси йилга қадар кутишни режалаштирмоқда. Хориж клублари ҳам 2020 йилги Европа чемпионини қўлга киритишга шошилмаяпти.
