Мадриднинг "Реал" клуби ҳужумчиси Винисиус Жуниор вақти-вақти билан трансфер ҳақидаги миш-мишларга сабаб бўлмоқда.
TodoFichajes порталининг ёзишича, "Манчестер Юнайтед" бразилияликни ўз сафида кўрмоқчи. "Олд Траффорд"да клуб раҳбарлари барча мусобақаларда рақобатбардош бўладиган орзу жамоани яратишга умид қилмоқда.
Манбага кўра, "Манчестер Юнайтед" Винисиус учун 180 миллион евро тўлашга тайёр. Яна 50 миллион бонус сифатида шартномага киритилиши мумкин. "Қизил иблислар" Винисиуснинг ўзига мавсум учун 40 миллион евро таклиф қилишга тайёр. "МЮ" Килиан Мбаппенинг "Реал"га келиши туфайли Винисиусни ишонтира олишларига умид қилишади. Шу билан бирга, 24 ёшли форварднинг ўзи ҳам ҳозир кетиш ҳақида ўйламаяпти - у Мбаппе келиши билан клубдаги мавқеини йўқотиб қўймаслигига ишонмоқда.
