"Барселона" ярим ҳимоячиси Педри Испания чемпионати янги мавсуми бошланишидан олдин жароҳатидан фориғ бўлиши кутилмоқда.

Футболчи Евро-2024 чорак финалида Германияга қарши ўйинда Тони Кроос билан қаттиқ тўқнашув натижасида жароҳат олганди. Маълум бўлишича, 21 ёшли ярим ҳимоячи Ханс-Дитер Флик қўл остидаги мавсумолди дастлабки машғулотларини ўтказиб юбориши керак, аммо немис мураббийи Ла Лиганинг биринчи учрашувида муҳим футболчидан фойдаланиши кутилмоқда. Бу ҳақда журналист Ферран Корреас хабар бермоқда.

Каталонияликлар чемпионатдаги ўйинини "Валенсия"га қарши сафар билан бошлайди. Ўйин 17 август куни бўлиб ўтади.