"Ньюкасл" ҳали ҳам "Милан"дан марказий ҳимоячи Малик Тиавни сотиб олишга ҳаракат қилмоқда.
The Times нашри хабарига кўра, "қарғалар" немис футболчисини қўлга киритиш учун уринишларидан воз кечмаяпти. "Ньюкасл" 22 ёшли марказий ҳимоячи учун 40 миллион евро миқдорида товон пули тўлашга тайёр.
"Қарғалар" "Милан" билан музокараларни давом эттирмоқда ва тез орада муросага эришишга умид қилмоқда. Тиав “Милан” сафида икки мавсум ўтказишга муваффақ бўлди. 2022 йилда футболчи Гелзенкирхеннинг "Шальке" клубидан жамоага ўтганди. Ўтган мавсумда Малик Италия чемпионатининг 21 учрашувида 1 та голли узатмани амалга оширган.
