"Манчестер Юнайтед" ҳимоячиси Аарон Уан-Биссака Англиянинг "Вест Хэм" клубига ўтмайди. Бу ҳақда журналист Давид Орнштейн хабар бермоқда.
Манбага кўра, 26 ёшли футболчи "Вест Хэм"га ўтишни истамаган ва "Интер"ни танлаган. Таъкидланишича, агар миланликлар "Манчестер Юнайтед" билан англиялик футболчининг трансфери борасида келишувга эриша олмаса, футболчи 2025 йилнинг ёзида эркин агент сифатида "Интер"га ўтади.
Ван-Биссака 2019 йилдан буён "қизил иблислар" сафида ўйнаб келмоқда. Ўтган мавсумда ҳимоячи барча турнирларни ҳисобга олган ҳолда 30 та ўйинда майдонга тушиб, 3 та голли узатмани амалга оширган.
