Хулиан Альварес «Манчестер Сити»ни тарк этишга тайёр.
The Athletic хабарига кўра, аргентиналик ҳужумчи кўпроқ ўйин вақтини олишни истамоқда. У ва унинг оиласи илиқроқ иқлимга кўчиб ўтишдан хурсанд бўлади.
24 ёшли футболчига Мадриднинг «Атлетико» клуби қизиқиш билдирмоқда. Бироқ мадридликлар «шаҳарликлар»нинг молиявий талабларини қондира олмайди – британияликлар Альвареснинг трансфери учун 60+17 миллион фунт олмоқчи.
Ўтган мавсумда Премер-лигада Хулиан 36 ўйин ўтказиб, 11 гол урди ва 9 голга ассистентлик қилди.
