Ҳужумчи Эндрик шанба куни "Реал Мадрид"нинг янги трансфери сифатида таништирилди.
Бразилиялик футболчи вояга етганидан кўп ўтмай Мадрид клубига ўтди.
Эндрик 18 ёшда "Реал Мадрид"да бўлиш қўрқинчлими деган саволга жавоб берди. "Агар Худо менга бу масъулиятни берган бўлса, у бу ерда бўлишим мумкинлигини билган.
Энди ўқишим ва ишлашим керак. Винисиус, Куртуа ва қолганларнинг маслаҳатларини тинглайман. Менинг ўрганишим керак бўлган нарса жуда кўп.
Мен босимга тайёрманми? "Реал Мадрид" жуда катта клуб. Умид қиламанки, мавсумни яхши ўтказа оламан. Мен жамоага ёрдам бериш ва ўрганиш учун шу ерга келдим.
Аммо бу ерда нима бўлишини ҳеч ким билмайди. Мен буни Худонинг қўлига топшираман", деди Эндрик журналистларга.
