Лондоннинг "Арсенал" клуби "Барселона" вингери Рафинья Диаснинг трансферини амалга оширишга ҳаракат қилади.
“Канонирлар” яқин орада ярим ҳимоячи Эмиль Смит-Роуни “Фулхэм”га 40 миллион евродан кўпроқ эвазига сотади. Mirror хабарига кўра, "Арсенал" 24 ёшли англияликни сотишдан тушган маблағни Рафиньяни сотиб олишга сармоя қилиши мумкин бўлади. Лондон гиганти бразилиялик учун тахминан 50 миллион евро таклиф қилмоқчи.
Саудия Арабистони чемпионати вакиллари ҳам 27 ёшли футболчига даъво қилишмоқда, улар миш-мишларга кўра, "Барселона"га сезиларли даражада кўпроқ - 65 миллион евро таклиф қилишга тайёр. Футболчи Каталонияда қолишни афзал кўрмоқда.
