"Арсенал" ярим ҳимоячиси Эмиль Смит-Роу "Фулхэм"га ўтишга қарор қилди.
Куни кеча хабар қилинганидек, "канонирлар" ва "боғбонлар" трансфер шартлари бўйича келишувга яқин турибди - келишув ҳар икки клуб учун рекорд бўлади. Sports Zone янгиланган маълумотларига кўра, Смит-Роунинг ўзи аллақачон "Фулхэм"га рози бўлган. Ўтишни якунлаш учун фақат бир нечта тафсилотларни ҳал қилиш қолади.
Эмиль Смит-Роу 28 июль куни ўзининг 24 ёшини нишонлайди. 2020 йилда "Арсенал" тарбияланувчиси асосий жамоага кўтарилди, у ҳозирда 115 та ўйин ўтказиб, 18 та гол ва 13 та голли узатмани амалга оширди.
