Спорт директори Деку "Барселона"нинг АҚШдаги йиғинга бормайди.
"Блауграна" мавсумолди сафарини океанортида ўтказади ва унда "Манчестер Сити" (31 июль), "Реал" (4 август) ва "Милан" (7 август) билан ўйнайди. Журналист Рожер Тореллонинг фикрича, Деку жамоа билан бўлмайди - португалияликда трансфер ишлари жуда кўп. Функционер Бильбаонинг "Атлетик" клубидан Нико Уильямсни қўлга киритиш бўйича келишув ва бошқа операциялар билан банд.
Нико Уильямснинг трансфери “Барселона”га 58 миллион еврога тушади. Каталония гранди товон пулини тўлашга тайёр, бироқ ҳали 22 ёшли футболчининг ўзидан якуний розилик олгани йўқ.
