"Аталанта" МЛСнинг "Атланта Юнайтед" клубига ўтган россиялик ярим ҳимоячи Алексей Миранчук билан хайрлашди.
"Алексей Миранчук "Атланта Юнайтед"га ўтишини якунлади. Барча яхшиликларни тилаймиз, Лёша ва ҳаммаси учун раҳмат”, - дейилади Италия жамоаси матбуот хизмати хабарида.
Америка клуби россиялик билан 2027 йил охиригача шартнома имзолади ва яна бир мавсумга узайтириш мумкин.
Transfermarkt хабарига кўра, келишув 12 миллион еврони ташкил қилган.
"Аталанта" 2020 йилда "Локомотив"дан 28 ёшли Миранчукни 15,7 миллион евро эвазига сотиб олганди. Бергамоликлар жамоаси таркибида футболчи 98 та ўйин ўтказиб, 13 та гол урди ва 19 та голли узатмани амалга оширди.
