"Манчестер Юнайтед"нинг собиқ дарвозабони, ҳозирда клубсиз Давид де Хеа ўзининг янги жамоасида 4,2 миллион фунт стерлингдан (4,9 миллион евро) 5 миллион фунтгача (5,9 миллион евро) маош олмоқчи. Бу ҳақда TEAMtalk хабар бермоқда.
Манбага кўра, айни дамда 33 ёшли дарвозабоннинг шартнома бўйича истакларини фақат Саудия Арабистони клублари қондира олади, аммо бу ҳолатда ҳам Де Хеадан маош талабларини бироз қисқартириш талаб қилиниши мумкин. Қайд этилишича, Саудиянинг айрим клублари испаниялик футболчи билан ҳозирданоқ музокара олиб бормоқда.
Олдинроқ ОАВда Де Хеа молиявий келишмовчиликлар туфайли "Женоа" билан келишувга эриша олмагани ҳақида маълумот пайдо бўлганди.
