Хабарингиз бор, Париж Олимпиадасида ўзбекистонлик Ситора Турдибекова Халқаро бокс ассоциацияси текширувларига кўра эркак деб топилган хитой тайпейилик Лин Юй-Тинга қарши жанг қилиб, мағлубиятга учраганди.
Халқаро бокс ассоциацияси (ИБА) президенти Умар Кремлёв ўзининг Instagram саҳифасида мазкур ҳолатни Халқаро Олимпия қўмитаси учун шармандалик эканлигини билдириб, эркак боксчиларга қарши рингга кўтарилган аёл боксчилар ИБА томонидан 100 минг АҚШ доллари билан тақдирланишини айтди.
Қайд этиш жоизки, Турдибековадан ташқари италиялик Анжела Карини ҳам рақиби генетик текширувда эркак киши эканлигини аниқланган жазоирлик Иман Хелифга қарши жангнинг 46-сониясида тўқнашувни давом эттиришдан бош тортганди.
