"Манчестер Сити" ҳужумчиси Хулиан Альварес тез орада "Атлетико Мадрид"га ўтади. Олдинроқ клублар аргентиналик футболчининг трансфери бўйича келишиб олгани ҳақида хабар берилганди.
Журналист Сезар Луис Мерлонинг хабар беришича, 24 ёшли Альварес 12 август, душанба куни “Атлетико Мадрид”га ўтишдан олдин тиббий кўрикдан ўтади. Манбага кўра, агар ҳаммаси жойида бўлса, шундан сўнг футболчи дарҳол "матрасчилар" билан 2029 йилгача шартнома имзолайди.
2023/24 йилги мавсумда Альварес барча турнирларни ҳисобга олган ҳолда 54 та ўйинда майдонга тушиб, 19 та гол урди ва 13 та голли узатмани амалга оширди.
