"Унион Берлин" чап қанот ҳимоячиси Робин Госенс ҳамон трансфер ойнаси тугагунча жамоасини тарк этмоқчи. Журналист Николо Скира берган маълумотларга кўра, "Торино" германиялик ҳимоячининг хизматларига қизиқиш билдирган, аммо Турин клуби вакилларининг унга таклиф қилган лойиҳаси футболчига ёқмаган.
Манбанинг таъкидлашича, Госенс "Аталанта"га қайтишни орзу қилади, у ерда у илгари фаолиятидаги энг яхши футболни намойиш этган. Эслатиб ўтамиз, А Серияда Робин бир ярим мавсум ўтказган ва "Интер"да ҳам ўйнашга муваффақ бўлганди.
