"Рома" ҳужумчиси Тэмми Абрахам "Милан"нинг унга қизиқиш билдираётгани ҳақидаги маълумотга изоҳ берди.
Ўтган мавсумни жароҳат туфайли ўтказиб юборган англиялик футболчи учун асосий даъвогар "россонерилар" ҳисобланарди.
"Милан" ҳақидаги миш-мишлар ёқимли, чунки улар менда ҳаммаси яхши эканлигидан далолат беради. Лекин мен бор эътиборимни "Рома"га қаратганман, жароҳатдан кейин биринчи мавсумолди машғулотимни ўтказяпман.
Агар Фикайо Томори мени "Милан"га чақирса, қандай муносабатда бўламан? Биз яхши дўстмиз, тез-тез мулоқот қиламиз, лекин, такрор айтаман, ҳозир менинг барча фикрларим фақат "Рома"да", - дея Абрахамнинг сўзларини келтиради журналист Альфредо Педулла.
