“Манчестер Сити” финалда “Манчестер Юнайтед”ни мағлуб этиб, Англия Суперкубогини қўлга киритди. "Манчестер Юнайтед" бош мураббийи, нидерландиялик мутахассис Эрик тен Хаг жамоаси Англия кубогининг амалдаги ғолиби сифатида ўйнаган учрашув натижаларидан ҳафсаласи пир бўлганини яширмади:

"Ҳафсаламиз пир бўлди, мағлуб бўлиш оғриқли. Лекин мен ижобий томонларини ҳам кўрмоқдаман, бу бизнинг ўйинимизга тааллуқлидир”, - деди Тен Ҳаг ўйиндан сўнг.

Эслатиб ўтамиз, Англия чемпионати 16 август куни старт олади, "Манчестер Юнайтед" Лондоннинг "Фулхэм" клуби билан ўйнайди.