"Манчестер Сити" ярим ҳимоячиси Бернарду Силва Англия Премьер-лигасининг янги мавсумидан кутаётганлари ҳақида фикр билдириди.
"Рақибларимиз янги ўйинчилар билан шартнома имзолаган яна бир мавсум. Улар кучлироқ кўринади. "Арсенал" йилдан-йилга яхшиланиб бормоқда, буни биламиз. "Ливерпуль" ҳар доим жуда кучли. Қолганлари – “Тоттенхэм”, “Челси” ва “Манчестер Юнайтед”га келсак, албатта, улар мавсумни “Ливерпуль” ва “Арсенал”дек кучли якунлай олишмади, аммо биз тайёр бўламиз.
Футболчиларимиз мағлубиятни ёқтирмайди. Мавсумга ҳамма каби қийин бўлишини билиб тайёрланамиз. Ва абадий ғалаба қозониб бўлмайди. Бир кун келиб биз ютқазамиз. Умид қиламанки, бу мавсум эмас, лекин бир кун келиб бу содир бўлади", - деди Силва Manchester Evening News билан суҳбатда.
Ўтган мавсумда "Манчестер Сити" кетма-кет тўртинчи ва 7 йил ичида олтинчи марта АПЛ чемпиони бўлди.
