33 ёшли германиялик ярим ҳимоячи Илкай Гюндоган Англиянинг "Манчестер Сити" клубига қайтиши ҳақида фикр билдирди.
"Манчестер Сити"даги етти йил мен учун майдонда ҳам, ундан ташқарида ҳам қониқиш даври бўлди. Мен шахс ва футболчи сифатида ўсдим, "шаҳарликлар" мухлислари билан ўзгача муносабатда бўлдим ва ажойиб муваффақиятларга эришдим. Бу менинг ҳаётимдаги ажойиб давр эди.
Бу ерга қайтиб келиш жуда кўп нарсани англатади. Пепни қанчалик ҳурмат қилишимни ҳамма билади – у дунёнинг энг яхши мураббийи ва у билан ҳар куни ишлаш сени яхшироқ футболчига айлантиради. Сиз доимий қийинчиликни ҳис қиласиз, бу ҳар қандай мутахассис учун айнан сиз хоҳлаган нарсадир.
“Сити”даги жамоадошларим ҳақида нима дейишим мумкин... Улар жаҳон даражасидаги футболчилар. Улар билан бирга машқ қилиш ва ўйнаш имкониятига эга бўлганимдан жуда хурсандман. Ростини айтсам, яна “шаҳарликлар” футболкасини кийишга сабрим етмаяпти”, - дея Гюндоганнинг сўзларидан иқтибос келтиради клуб матбуот хизмати расмий сайтида.
