"Манчестер Сити" бош мураббийи Пеп Гвардиола ҳужумчи Эрлинг Холанднинг ўйин услуби ҳақида ўз фикрлари билан ўртоқлашди.
Биринчи турда "Челси"га қарши ўйинда (2:0) норвегиялик атиги учта аниқ узатмани амалга оширди. Бу Гвардиола қўл остида ўйнаган футболчилар орасида энг паст кўрсаткичдир. Бироқ бу ҳужумчининг гол уришига тўсқинлик қилмади.
"Менга Эрлингнинг гол уриши ёқади. Лекин унинг тўпни ушлаб туриши, ассистентлик қилиши, турли вазиятларда иштирок этиши ҳам менга ёқади. Энг муҳими, унинг ҳозир яхши формада эканлигини кўряпман. У ўзини ўтган мавсумга қараганда анча яхши ҳис қилмоқда", - дея Гвардиола сўзларини келтиради Sity Xtra.
