"Манчестер Юнайтед" бош мураббийи Эрик тен Хаг ярим ҳимоячи Мэйсон Маунтнинг тактик ўрни ҳақида ўз фикрлари билан ўртоқлашди.
Жорий мавсум бошида англиялик футболчи “қизил иблислар”нинг асосий таркибига киришга муваффақ бўлди. Тен Хагнинг сўзларига кўра, собиқ "Челси" футболчиси битта аниқ позицияга боғланмаган.
"Менимча, Маунт кўп қиррали, шунинг учун биз уни бир нечта турли позицияларда ишлатишимиз мумкин. Фақат шуни айтишим мумкинки, унинг роли ҳимоядан кўра кўпроқ ҳужумкор бўлади", - дейди нидерландиялик мураббий.
Шанба куни “Манчестер Юнайтед” АПЛ 2-тури доирасида “Брайтон”га қарши майдонга тушади.
