Испания чемпионатининг 2-тури доирасида «Барселона» ўз майдонида Бильбаонинг «Атлетик» клубини қабул қилиб, қийин ғалабани қўлга киритди.

Баҳснинг 24-дақиқасида Ламин Ямал чиройли зарба билан ҳисобни очган бўлса, тайм сўнгида Кубарси эҳтиётсизлик туфайли ўз дарвозаси томон пенальти белгиланишига сабаб бўлди. Ойан Сансет 11 метрли жарима зарбасидан ҳисобни тенглаштирди.

Каталонияликлар иккинчи бўлимда ҳам ҳужумкор ўйин намойиш этишди. Ўйин тугашига 15 дақиқа қолганида Рафинья-Педри комбинациясидан кейин дарвозабон тўпни қайтарди. Роберт Левандовски эса бўш қолган дарвозани ишғол қилди.

"Барселона" ушбу ғалабадан кейин 6 очко билан жадвал пешқадамига айланди.

Испания Ла лигаси, 2-тур
Барселона – Атлетик 2:1 (1:1, 1:0)
Голлар: 1:0 – 24 Ямаль, 1:1 – 42, пенальти Сансет, 2:1 – 75 Левандовски.
Барселона – тер Стеген, Бальде (Мартин, 90+1), Мартинес, Кубарси, Кунде, Педри, Берналь (Эрик Гарсия, 83), Ферран Торрес (Лопес, 63), Рафинья, Ямаль (Виктор, 90+1), Левандовски.
Атлетик – Падилья, Берчиче, Йерай Альварес, Вивиан, Лекуэ, Прадос (Эррера, 78), Весга (Хаурегисар, 63), Уильямс, Сансет (Унаи Гомес, 62), Беренгер (Арес, 72), Уильямс (Гурусета, 78).
Огоҳлантиришлар: Йерай Альварес (38), Кубарси (41), Берналь (49), Беренгер (56), Левандовски (85), Лекуэ (87), Лопес (90+6), Хаурегисар (90+6), Эррера (90+6).