Бильбаонинг "Атлетик" клуби бош мураббийи Эрнесто Вальверде "Барселона"га қарши ўйинда режалари барбод бўлганини тан олди.
Басклар жамоаси Ла Лига 2-тури доирасидаги ўйинда сафарда “кўк-анорранглилар”га имкониятни бой бериб қўйди – 1:2. Роберт Левандовски 75-дақиқада каталонияликларга ғалаба келтирган голга муаллифлик қилди.
"Барселона" билан ўйинда биз прессинг қилишга ҳаракат қилдик, аммо буни амалга оширишнинг иложи бўлмади, чунки Пау Кубарси узатмаларида умуман хато қилмади", - дея "Атлетик" устози сўзларидан иқтибос келтиради Barca Universal.
