Мадриднинг "Реал" клуби бош мураббийи Карло Анчелотти матбуот анжуманида ҳужумчи Килиан Мбаппе ҳақидаги бир нечта саволларга жавоб берди.

"Мбаппе ривожланмоқда. У камтарлик билан ишлайди ва муваффақиятга эришади. Унинг мослашуви яхши кетмоқда. Мбаппенинг Ла Лигадаги голлари камлиги? У охирги марта 14 август куни гол урган эди. Энди икки ҳафта ўтди. Ҳозир ташвишланишга эрта - на биз учун, на унга. У гол урмоқчи", - деди Анчелотти журналистларга.

Мадриднинг "Реал" клуби айни дамда Испания чемпионати доирасида "Лас-Пальмас"га қарши сафар ўйинига тайёргарлик кўрмоқда. Жамоалар 29 август, пайшанба куни ўйнайди.