Софьян Амрабат фаолиятини Ла Лигада давом эттириши мумкин.
AS нашри хабарига кўра, "Атлетико Мадрид" марокашлик ярим ҳимоячини "Фиорентина"дан ижарага олмоқчи.
Футболчи ўтган мавсумни "Манчестер Юнайтед"да ижара асосида ўтказди ва у сотиб олиш вариантидан фойдаланмасликка қарор қилди.
"Матрасчилар"дан ташқари Амрабатга "Фенербахче" ҳам қизиқиш билдирмоқда. "Фиорентина" футболчини сотиш имкониятини кўриб чиқмоқда ва турк клуби "бинафшаранглар"нинг талабларини қондиришга яқинроқ, чунки улар мажбурий сотиб олиш опцияси билан ижарага беришади.
