"Наполи" бош мураббийи Антонио Конте Европадаги трансфер ойнаси вақти ҳақида гапирди.

Эслатиб ўтамиз, ёзда янги футболчиларни қўлга киритиш ва футболчиларни сотиш имконияти уч ой - июнь бошидан август ойининг охиригача давом этади.

"Бу абсурд. Биз кетиш арафасида турган ўйинчиларни тайёрлашимиз ва биз ҳеч қачон бирга ишламаган футболчиларни кутишимиз керак.

Янги келганлар қандай ҳолатда бўлишини ҳам билмаймиз. "Парма"га қарши ўйинда захирада бирорта ҳам ярим ҳимоячи йўқ эди, чунки кеча Яккарино ва Сахо ижарага берилганди. Биз Лоботка ва Замбо Ангиссага ҳеч нарса бўлмаслигини кутдик.

Кўриб турибманки, футбол доимо ривожланиб бормоқда, аммо юқорида бу бемаъни қоида билан шуғулланадиган одам бор.

Ҳамма қоидалар ва форматларни ўзгартириш керак. Бу алоҳида қоида барча мураббийлар ва клубларга зарар келтиради.

Умид қиламанки, келажакда ҳаммаси ўзгаради", - дея Контенинг сўзларини келтирмоқда DAZN.