Сўнгги клуби Туриннинг "Ювентус" клуби бўлган Франция терма жамоаси ярим ҳимоячиси Адриен Рабьо фаолиятини Туркия чемпионатида давом эттириши мумкин.
Todofichajes портали хабарига кўра, 29 ёшли эркин агент хизматларига Истанбулнинг "Галатасарой" клуби қизиқмоқда. Трансферга асосий тўсиқ - Рабионинг юқори маош талаб қилиши. Адриен йилига 7-8 миллион евро олмоқчи. Турк клуби унга бундай пул тўлашга тайёр эмас.
Ярим ҳимоячи янги клубни танлашга шошилмаяпти. Франциялик футболчи Премьер-лигадан таклиф олишига умид қилмоқда, бу ерда унинг маош талаблари қондирилиши мумкин.
