"Рома" марказий ҳимоячи Матс Ҳуммельс учун курашда таслим бўлмаяпти.
Яқинда римликлар Дортмунднинг "Боруссия" клубининг 35 ёшли собиқ футболчиси билан келишувга эриша олмагани маълум бўлганди. Журналист Николо Скиранинг янгиланган маълумотларига кўра, музокаралар давом этмоқда: "Бўрилар" бош мураббийи Даниэле де Росси Хуммельсни ўз жамоасида кўришни жуда хоҳлайди ва уни таклифни қабул қилишга кўндириш учун телефон орқали боғланган.
Италиялик мураббий тажрибали немис унинг тизимида асосий роль ўйнашига ишонмоқда. "Рома" марказий ҳимоячига яхшиланган шартнома шартларини таклиф қилишга тайёр.
