Украина терма жамоасининг собиқ устози Йожеф Сабо жароҳат олган Михаил Мудрик ва Артём Довбикнинг йўқлиги жамоанинг Миллатлар лигасида Албаниядан учралган мағлубиятга (1:2) катта таъсир кўрсатдими, деган саволга жавоб берди.

"Йўқ. Улар билан ҳам худди шундай бўларди. Хўш, Мудрик қани? Айтинг-чи, у қаерда? Мудрик икки йилдан бери "Челси"да ва фақат захира ўриндиғида ўйнайди.

Довбик эса "Жирона"да омадли ўйнади, чунки уни паслар билан яхши таъминлаганди, юқори тезликда қанотлари бор эди. "Рома"да эса бундай эмас. Довбик у ерда ўйнамайди. Рим клуби кимни сотиб олганини тез орада тушунади, чунки у қанотлардан ёрдам бермаса гол ура олмайди.

Замонавий футболдаги марказий ҳужумчи чапга, ўнгга ҳаракат қилиши ва портлашда ўйнаши керак. Довбик эса ҳимоячидан қандай қочишни ҳам билмайди. У фақат катталиги туфайли ичкарида ўйнаши ва бир тегиш билан пас бериши мумкин. Мен Довбикнинг очилганини, қабул қилганини ёки алдамчи ҳаракатлар қилганини кўрмадим", - деди Сабо "Спорт-Экспресс" билан суҳбатда.

10 июль куни Украина Миллатлар лигаси доирасида Чехия билан меҳмонда баҳс олиб боради.