Кейлор Навас фаолиятини Бразилияда давом эттириши мумкин.
"Реал" ва "ПСЖ"нинг собиқ дарвозабони "Гремио"га таклиф қилинди, деб хабар беради CNN Brasil. 37 ёшли коста-рикалик футболчи парижликлар билан шартномасини тугатгандан сўнг, май ойидан бери клубсиз.
"Гремио" футболчига ҳали расман қизиқиш билдиргани йўқ. Навас 20 сентябргача рўйхатдан ўтиши мумкин, чунки унинг аввалги шартномаси Бразилияда трансфер ойнаси ёпилгунга қадар (2 сентябрь) бекор қилинган эди. Мемфис Депай ва Андре Каррильони рўйхатдан ўтказган "Коринтианс"да ҳам худди шундай ҳолат юз берди.
Кейлорга араб клубларидан ҳам таклифлар бор.
