"Реал" бош мураббийи Карло Анчелотти жамоа футболчиларининг тез-тез жароҳат олиши ҳақида фикр билдирди.

"Биз муаммо қидираётган эдик, аммо бу бизга боғлиқ эмас. Бу жадвал масаласи - бу жуда тиғиз. Энди янги форматдаги Чемпионлар Лигаси бошланмоқда ва биз нима бўлишини билмаймиз. Ўтган йилгидан кўра қизиқарлироқ бўлиши мумкин, аммо ҳозир бизда плюс иккита ўйин бор. Футболни бошқарадиган ва қарор қабул қиладиганлар жароҳатлар ўйин кўплиги туфайли содир бўлади деб ўйламайдилар. Лекин муаммо бор. Рақобатни янада жозибадор қилиш учун ўйинлар сонини қисқартириш масаласини кўриб чиқишни сўрайман" - деди Анчелотти матбуот анжуманида.

17 сентябрь, сешанба куни Мадриднинг "Реал" клуби "Штутгарт"ни қабул қилади.