Таниқли ҳужумчи Энди Кэрролл "Бордо"га ўтишга яқин турибди.
Франциянинг энг кекса клуби молиявий муаммолар туфайли тўртинчи лигага тушиб кетди. L"Еquipe нашри хабарига кўра, "Амьен"нинг собиқ спорт директори Жон Уильямс ҳозирда "Бордо"да ишламоқда. Кэрролл айни пайтда "Амьен" жамоасида ўйнамоқда.
Қайд этилишича, "Ливерпул"нинг собиқ ҳужумчиси бу мавсумда тўртта ўйинда қатнашган.
Тажрибали Рио Мавюба ва Пол Байс шу ёзда "Бордо"га кўчиб ўтишди. Улар клуб тарбияланувчилари саналади ва жамоага ёрдам бериш мақсадида фаолиятини давом эттиришга келишиб олишди.
