"Милан"нинг собиқ бош мураббийи Стефано Пиоли Саудия Арабистонига кўчиб ўтишга яқин турибди.
Италиялик мутахассис чоршанба куниёқ "Ан-Наср" билан шартнома имзолаши мумкин. Инсайдер Николо Скиранинг сўзларига кўра, Пиолининг Саудия клуби билан шартномаси 2026 йилгача мўлжалланган ва келишувда яна бир йилга автоматик равишда узайтириш варианти ҳам кўзда тутилган. 58 ёшли мураббийнинг маоши йилига 8 миллион еврони ташкил этади ва бонуслар қўшилади.
Ёзда Стефано Пиоли Саудия Арабистонининг бошқа бир клуби "Ал-Иттиҳод"га тайинланиши мумкинлиги ҳақида хабарлар тарқалган эди. Аммо битим якунига етмай қолган.