Лиссабоннинг "Спортинг" клуби бош мураббийи Рубен Аморим Чемпионлар лигаси умумий босқичи 1-тур учрашувида Франциянинг "Лилль" жамоасини мағлуб этганидан сўнг (2:0) жамоада бироз хавотир бўлганини, бироқ биринчи гол тарангликни бартараф этиб, керакли натижани келтирганини айтди.
"Мақсад ҳар доимгидек. Бу янги мавсумда ўз майдонимиздаги биринчи ўйин эди. Бошида асабийлашдик, кейин эса ҳаммаси яхши ўтди", - деди мутахассис УЕФА расмий сайтига.
Эслатиб ўтамиз, биринчи бўлимнинг 5 дақиқасида португалияликлар дастлаб Дьекерешнинг саъй-ҳаракатлари билан ҳисобни очишганди, шундан сўнг (40-дақиқада) меҳмонлар таркибида Анхел Гомес майдондан четлатилди.
