Будапештда давом этаётган 45-Бутунжаҳон шахмат олимпиадасининг 9-туридан ўрин олган эркаклар ўртасидаги Ўзбекистон-Ҳиндистон тўқнашуви якунига етди.

Унда жанговар дуранг қайд этилди — 2:2. Ҳиндистонликлар барча тахталарда очиқчасига дуранг учун ҳаракат қилишди.

Дастлаб Жаҳонгир Воҳидов ва Видит Сантош Гужаратҳи ўртасидаги баҳс ярим соатда дуранг билан якунига етди. Шундан сўнг Абдусатторов ва Синдаров ҳам ўз рақиблари билан дурангга имзо чекишди.

Шамсиддин Воҳидов эса қийин вазиятдан чиқиб кетиб, ўйин охирида ғалаба учун ҳаракат қилиб кўрди. Аммо рақиб ишончли ҳимояланди ва бу партия ҳам дуранг билан тугади.

Ҳиндистон мусобақада кетма-кет 9та ғалабадан кейин илк марта дуранг қайд этди. Бу жамоа 17 очко билан пешқадамликни сақлаб қолди. Ўзбекистон эса 15 очко кучли учликда қолади.

ҲИНДИСТОН - ЎЗБЕКИСТОН - 2,0 - 2,0.
Домараджу Гукеш (2764) - Нодирбек Абдусатторов (2766)  - 0,5 - 0,5.
Рамешбабу Праггнанандҳа (2750) - Жавоҳир Синдаров (2677) - 0,5 - 0,5.  
Аржун Эригаиси (2778) - Шамсиддин Воҳидов (2650)  - 0,5 - 0,5.
Видит Сантош Гужаратҳи (2720) - Жаҳонгир Воҳидов (2571)  - 0,5 - 0,5.