Budapeshtda davom etayotgan 45-Butunjahon shaxmat olimpiadasining 9-turidan o‘rin olgan erkaklar o‘rtasidagi O‘zbekiston-Hindiston to‘qnashuvi yakuniga yetdi.

Unda jangovar durang qayd etildi — 2:2. Hindistonliklar barcha taxtalarda ochiqchasiga durang uchun harakat qilishdi.

Dastlab Jahongir Vohidov va Vidit Santosh Gujarathi o‘rtasidagi bahs yarim soatda durang bilan yakuniga yetdi. Shundan so‘ng Abdusattorov va Sindarov ham o‘z raqiblari bilan durangga imzo chekishdi.

Shamsiddin Vohidov esa qiyin vaziyatdan chiqib ketib, o‘yin oxirida g‘alaba uchun harakat qilib ko‘rdi. Ammo raqib ishonchli himoyalandi va bu partiya ham durang bilan tugadi.

Hindiston musobaqada ketma-ket 9ta g‘alabadan keyin ilk marta durang qayd etdi. Bu jamoa 17 ochko bilan peshqadamlikni saqlab qoldi. O‘zbekiston esa 15 ochko kuchli uchlikda qoladi.

HINDISTON - O‘ZBEKISTON - 2,0 - 2,0.
Domaradju Gukesh (2764) - Nodirbek Abdusattorov (2766)  - 0,5 - 0,5.
Rameshbabu Praggnanandha (2750) - Javohir Sindarov (2677) - 0,5 - 0,5.  
Arjun Erigaisi (2778) - Shamsiddin Vohidov (2650)  - 0,5 - 0,5.
Vidit Santosh Gujarathi (2720) - Jahongir Vohidov (2571)  - 0,5 - 0,5.