"Ливерпуль" ўзининг муҳим футболчиларидан бири билан янги шартнома имзоламоқчи.
"Қизиллар" раҳбарияти жорий мавсумни ёрқин бошлаган Луис Диаснинг меҳнат шартномасини узайтиришдан манфаатдор. Журналист Грем Бейлининг сўзларига кўра, колумбиялик учун узоқ муддатли шартнома тайёрланмоқда. Мерсисайдликлар Диаснинг атрофидагилар билан музокараларда аллақачон муваффақиятга эришган. Йил охиригача футболчига расмий таклиф тушиши кутилмоқда.
Луис Диас АПЛ ва Чемпионлар лигасидаги жорий мавсумдаги 6 та ўйинда 5 та гол урди ва битта голли узатмани амалга оширди. 27 ёшли футболчининг амалдаги шартномаси 2027 йилнинг ёзига қадар мўлжалланган.
