Мадриднинг «Реал» клуби ёзги трансфер вақтида пул ишлаш учун бир қатор футболчиларни сотувга қўйиши мумкин. Бу ҳақда Испаниянинг таниқли нашрларидан бири «Маrcа» хабар бермоқда.
Переснинг режасига кўра жамоа футболчиларнинг савдосидан 100 миллион евро фойда кўриши керак.
Шундай қилиб, «Реал» Антонио Аданни 2 миллион, Фабио Коэнтрауни 18 миллион, Пепени 20 миллион, Анхел Ди Марияни эса 25 миллион еврога пуллашни режалаштирган.
Бундан ташқари Мадрид жамоаси Кака (10 миллион еврога) ва Гонсало Игуаинни ҳам трансферга қўйиши мумкин. Дарвоқе «Реал» энг катта фойдани айнан аргентиналик ҳужумчининг трансферидан кўрмоқчи. Улар Гонсалонинг дастлабки нархини 30 миллионга баҳолашган.