"Манчестер Сити" бош мураббийи Пеп Гвардиола Родрининг жароҳати борасидаги фикрлари билан ўртоқлашди.

"Шаҳарликлар" ярим ҳимоячиси якшанба куни Лондоннинг "Арсенал" жамоасига қарши ўйиннинг 21-дақиқасидаёқ алмаштирилди (2:2). Испаниялик футболчининг майдондаги ўрнини Матео Ковачич эгаллади.

"Родри кучли инсон. У ниманидир ҳис қилгани учун майдонни тарк этди. У жиддий сабабсиз алмаштирилмаган бўларди.

Родри - дунёнинг энг яхши ярим ҳимоячиси ва "Олтин тўп"га даъвогар. У биз учун жуда муҳим, лекин бу содир бўлди.

Баъзида "Арсенал"га қарши ўйинлар шундай ўтади. Биз ўзимиз ўрганмаган кўп нарсаларга дош беришга мажбурмиз", - деди Гвардиола матбуот анжуманида.