"Бавария" спорт директори Кристоф Фройнд Томас Мюллер ва Мануэль Нойернинг келажаги ҳақидаги саволга жавоб берди.
Ҳар икки фахрийнинг мюнхенликлар билан шартномаси жорий мавсум охирида якунига етади.
"Биз Ману ва Томас ҳақида кўп гапиришимиз шарт эмас. Улар билан ижобий музокаралар олиб бормоқдамиз.
Ҳозир улар яхши формада, мавсумни яхши бошлашди, биз билан бирга эканликларидан хурсандмиз.
Келгуси ойлар ва ҳафталарда уларнинг режаларини хотиржамлик билан муҳокама қиламиз. Биз уларнинг нимага қодирлигини биламиз ва улар "Бавария"да нима борлигини билишади", - дея Фройнднинг сўзларини келтиради Bayern & Germany.
