Пеп Гвардиола Кевин Де Брюйненинг жароҳати борасида ижобий прогноз айтди.

Бельгия терма жамоасининг 33 ёшли ярим ҳимоячиси Чемпионлар лигаси умумий босқичи 1-туридан ўрин олган "Манчестер Сити" - "Интер" (0:0) учрашувида жароҳат олди. Кевин тиббиёт ходимларига йиғлаб гапирди ва танаффусда алмаштирилди.

"Менимча, у узоқ вақтга сафдан чиқмайди. У қанча вақт майдонга тушмаслигини айта олмайман.

"Ньюкасл" ҳақида билмайман, лекин у узоқ вақтга сафдан чиқмайди. Унинг оёғида ноқулайлик бор", - деди "Арсенал" билан ўйиндан сўнг (2:2) "Манчестер Сити" бош мураббийи Гвардиола.

Де Брюйне жорий мавсумда АПЛнинг 4 та учрашувида 1 та гол урди ва 1 та голли узатмани амалга оширди.