Сентябрь ойи натижаларига кўра Испания Ла Лигасининг энг яхши мураббийи соврини учун қайси мураббий даъвогарлик қилаётгани маълум бўлди.

Чемпионат матбуот хизматининг хабар беришича, номзодлар орасида учта мутахассис бор: Ханс-Дитер Флик (“Барселона”), Карло Анчелотти (“Реал”), Эрнесто Вальверде (“Атлетик” Бильбао).

Айни дамда “Барселона” Испания чемпионати турнир жадвалида 6 турдан кейин 18 очко билан пешқадамлик қилмоқда.

"Реал Мадрид" 7 та ўйин ўтказиб, 17 очко билан иккинчи ўринда бормоқда. "Атлетик" кучли учликни якунлайди (етти ўйинда 13 очко).