Испания чемпионатида саккизинчи тур ўйинлари бўлиб ўтди, "Реал Сосьедад" ўз майдонида "Валенсия"ни йирик ҳисобда мағлуб этди – 3:0; Учрашувдаги биринчи гол баскларнинг япониялик юлдузи Такефуса Кубо томонидан киритилди.
Кунчиқар юрт вакили ўзи учун муҳим ўйинни муносиб тарзда нишонлади. Гап шундаки, Кубо учун у испан футболи олий лигасида 167-учрашувга айланди ва шу тариқа у илгари Такаси Инуига тегишли бўлган Ла Лигада япон ўйинчилари рекордини янгилади - Испания футболи олий лигасида 166 та ўйин.
Чемпионатнинг навбатдаги турида "Реал Сосьедад" яна ўз майдонида – "Атлетико"га қарши баҳс олиб боради.
