“Бунёдкор” – “Бухоро” учрашувидан кейинги матбуот анжуманининг иккинчи қисмида “қалдирғочлар” мураббийи қатнашди.

- Бугунги ўйин ва натижадан хурсандмиз. Мураббийлар штаби футболчиларимизнинг ҳамма ҳатти-ҳаракатларидан қониқиш ҳосил қилишди. Айниқса, биринчи бўлимда кўрсатилган ажойиб ўйин жуда ҳам ёқди. Иккинчи бўлимда Акмал Шораҳмедов ўрнига Абдуқаҳҳор Хожиакбаровни майдонга тушириб, унинг ҳаракатларини кузатдик. Майдон ҳолати аввалгидек яхшиланган. Бундан ҳам яхши бўлишини истардик. Агар ростини айтадиган бўлсам, Осиё Чемпионлар лигасининг 1/8 финалида Хитой ёки Япония жамоаси рақиб бўлишини кутгандик. Тақдир кутилмаганда бизга Таиланднинг “Бурирам Юнайтед” клубини рўбарў қилди. Рақиб иштирокидаги видеотасмаларни кўриб чиқамиз ва шунга яраша хулоса қиламиз, - дейди Мурод Отажонов