Кай Хаверц 2021 йилда "Челси" билан Чемпионлар лигасида ғалаба қозонганини эслади.
“Фаолиятимдаги яхши лаҳзалар бўлганди, мен доимо бу ҳақда ўйлайман. Бу ёқимли туйғу эди.
Аммо “Арсенал”да буни уддалай олсам, бундан ҳам яхши бўлади. Бу кўпроқ нарсани англатади.
Бу турнирда узоққа бориш қанчалик қийинлигини ўтган мавсумдан биламиз. Айниқса, Германиядаги сафар ўйини ("Бавария"га қарши) ҳақида гапирадиган бўлсак, бу бизнинг энг яхши ўйинимиз бўлмаганди.
Лекин биз улғайиб, бир ёшга қаридик. Шундай экан, яхши турнир ўтказамиз деган умиддамиз. Йўл узоқ, лекин биз тайёрмиз деб ўйлайман", - дейди “Арсенал” ярим ҳимоячиси.
