Мадриднинг "Реал" клуби чоршанба куни Чемпионлар лигасининг 2-турида "Лилл"га минимал - 0:1 ҳисобида имкониятни бой берди. Испания матбуоти Мадриднинг ўйинини таҳлил қилди ва бошқалар қаторида ярим ҳимоячи Жуд Беллингемнинг пасайишига баҳо берди.
"Беллингем мисолида пасайиш анча сезиларли: ўйнаган еттита ўйинда у бор-йўғи иккита голли узатмага эга. Битта ҳам гол ура олмади. Ўтган мавсумда етти ўйиндан сўнг у олтита гол урганди. Рақамларни том маънода таққослаб бўлмайди, чунки Мбаппе келиши билан Беллингемнинг роли бутунлай бошқача, аммо англиялик футболчи ҳали ҳам ярим ҳимоячи сифатида ўзининг энг яхши вариантини қидирмоқда" - деб ёзади AS нашри.
"Реал" навбатдаги ўйинини 5 октябрь, шанба куни Испания чемпионати доирасида "Вильярреал"га қарши ўтказади.
