Донецкнинг «Шахтёр» клуби яримҳимоячиси Фернандиньо «Манчестер Сити»га ўтиши мумкинлиги ҳақида гапириб, бу трансфер амалга ошса, жаҳон чемпионатида иштирок этиш имконияти ошишини таъқидлаб ўтди.

«Клубдошларимнинг барчаси мени янги савиядаги жамоага ўтишимни исташади. Ҳамма биладики, Англия премьер-лигаси ўта юқори савияли мусобақа. «Манчестер Сити» эса буюк жамоа. Шундай экан, у ерда ўйнашни хоҳлашим табиий».

«Агар «Сити»га ўтадиган бўлсам, жаҳон чемпионатида иштирок этиш имкониятим ошади. Мен мураббийларнинг кўпроқ эътиборида бўламан. Чунки уларда Украина чемпионатига нисбатан нотўғри қарашлари бор. Бу ердаги бизнинг ютуқларни улар муносиб баҳолашмайди», дея Фернандиньонинг сўзларидан иқтибос келтирмоқда «Goal.com» интернет-нашри.

Эслатиб ўтамиз, олдинроқ «Шахтёр» бош мураббийи Мирча Луческу «Сити» Фернандиньони сотиб олишни истаса, унинг шартномасида кўрсатилган 50 миллион еврони тўлаши лозимлигини таъкидлаб ўтганди.