Поль Погба "Ювентус"да бошқа ўйнамаслиги мумкин.
Ярим ҳимоячининг допинг тақиқи қисқартирилди ва энди у 2025 йилнинг март ойида майдонга қайтиш имкониятига эга.
Calciomercato хабарига кўра, бугун томонлар ҳар қандай ҳолатда ҳам шартномани бекор қилишни танлашади деган фикр бор. Бу французга ўзи хоҳлаган жойга бориш имконини беради ва клуб харажатларни камайтириш режасини амалга оширишда давом этади.
Погба йилига тахминан 10 миллион евро олади - жамоада бошқа ҳеч кимда бундан катта маош йўқ (Душан Влаховичда ҳам худди шундай). Полнинг кетиши клубга пулни тежашга ёрдам беради.
