"Реал" бош мураббийи Карло Анчелотти "Вильярреал"га қарши ўйинда жиддий жароҳат олган Дани Карвахални қўллаб-қувватлади.
32 ёшли ўнг қанот ҳимоячиси тиззасидаги олдинги хоч боғлами йиртилгани сабаб майдонга тушмаяпти. Баъзи маълумотларга кўра, испанияликнинг тикланиши тахминан бир йил давом этиши мумкин.
"Жамоамизга сизнинг кучингиз ва қатъиятингиз керак. Биламизки, сиз ҳар доимгидек бу қийинчиликни енгиб ўтасиз ва келажакда яна сизга ишонишимиз мумкин. Сиз билан учрашишни орзиқиб кутамиз, Дани. Омад тилаймиз!" - деди Анчелотти.
